چین کو چاول کی برآمدات دو ماہ میں 4 فیصد اضافے سے 132.59 ملین ڈالر تک پہنچ گئیں۔

عوامی جمہوریہ چین کے کسٹمز کی جنرل ایڈمنسٹریشن (جی اے سی سی) کے مطابق 2022 کے پہلے دو ماہ میں پاک چین دو طرفہ تجارت میں نمایاں اضافہ ہوا۔ چین نے تقریباً 347434 ٹن مختلف اقسام کے چاول درآمد کیے جن کی مالیت 132.5 ملین ڈالر تھی جو گزشتہ سال کی اسی مدت کے دوران 127.61 ملین ڈالر مالیت کے 294,240 ٹن سے 18 فیصد زیادہ ہے۔ بیجنگ میں پاکستانی سفارتخانے کے کمرشل قونصلر بدر الزمان نے امید ظاہر کی کہ پاکستان اس سال چین کو 10 لاکھ ٹن چاول برآمد کرنے کا اپنا ہدف پورا کر لے گا اور چند سالوں میں چینی مارکیٹ میں سب سے زیادہ چاول برآمد کرنے والا ملک بن جائے گا۔