چین کی اسلام آباد کی مسجد میں دھماکے کی مذمت،پاکستان کی قومی سلامتی کیلئے مکمل حمایت کے عزم کا اعادہ

چین نے اسلام آباد کی مسجد میں دھماکے کی مذمت کی ہے۔ بیجنگ سے چینی وزارت خارجہ نے اس حوالے سے کہا کہ اسلام آباد دھماکے اور جانی نقصان پر گہرا صدمہ ہے۔ چینی وزارت خارجہ نے کہا دھماکے میں جاں بحق ہونے والوں کے لیے سوگوار ہیں، ہماری ہمدردیاں اپنے پیاروں کو کھونے والوں اور زخمیوں کے ساتھ ہیں۔ چینی وزارت خارجہ نے کہا کہ چین اس حملے کی سختی سے مذمت کرتا ہے۔ چینی وزارت خارجہ نے مزید کہا کہ چین ہر قسم کی دہشت گردی کی مخالفت کرتا ہے۔