چین کی خلائی نمائش،پاک چین دوستی چمک اٹھی

چین اور پاکستان کے درمیان خلائی تعاون کے حوالے سے مضبوط تعلقات،چین کی خلائی نمائش میں پاک چین دوستی کی اہمیت اجاگر ہوئی۔تفصیلات کے مطابق خلا میں پاکستانی پرچم کا لہرانا پا ک مضبوط تعلقات کی نمائندگی کرتا ہے ۔ چینی ذرائع ابلاغ کے مطابق کائنات کا خواب دیکھنا اور آسمان سے باتیں کرنا ،چین کی انسان بردار خلائی پرواز کے30 برس’ کی نمائش چین کے نیشنل میوزیم کے مغربی ہال میں منعقد ہوئی۔اس نمائش میں اشیاء کا ایک متاثر کن مجموعہ ہے جو خلائی تحقیق میں چین کی کامیابی کو اجاگر کرتا ہے۔اس کی خاص بات یہ ہے کہ ایک یادگاری پرچم وہاں پر لہرا رہا ہے، جو چین اور پاکستان کے درمیان سفارتی تعلقات کے قیام کی 70 ویں سالگرہ کا جشن ہے۔ یہ جھنڈا 17 جون 2021 کو شینزوـ12 خالئی جہاز کے ذریعے خلا میں لے جایا گیا اور زمین پر واپس آنے سے پہلے اس نے زمین کے گرد چکر لگاتے ہوئے تین ماہ گزارے۔ یہ پاکستان کے ساتھ چین کے سفارتی تعلقات کا مظہر ہے۔