کراچی میں تعینات نئے چینی قونصل جنرل کی گورنر سندھ عمران اسماعیل سے خصوصی ملاقات۔۔۔۔

حالیہ دنوں میں تعینات ہونے والے چینی قونصل جنرل کراچی جنرل لی بیجیان نے گورنر ہاؤس کراچی میں گورنر سندھ عمران اسماعیل سے خصوصی طور پر ملاقات کی ہے۔ اس موقع پر ڈپٹی قونصل جنرل چھین شیاؤ ڈونگ بھی انکے ہمراہ تھے۔ اس ملاقات میں دوطرفہ سفارتی تعلقات، سرمایہ کاری اور تجارت سمیت کئی باہمی دلچسپی کے امور پر فریقین نے تبادلہ خیال کیا۔ گورنر سندھ نے اس دوران جوائنٹ وینچیرز سے تجارتی سرگرمیوں کو فروغ دے کر چین اور پاکستان کے درمیان تجارت کو مستحکم کرنے کی اہمیت پر زور دیا۔ چینی قونصل جنرل نے گورنر سندھ کو پورٹ قاسم پاور پلانٹ کے دورے کی دعوت بھی دی۔