گوادر اورجبل علی بندرگاہیں علاقائی تجارت کو بڑھانے کے لیے نہایت اہمیت کی حامل ہیں،صدر پاکستان ڈاکٹر عارف علوی۔

  ایک انٹرویو میں صدر پاکستان ڈاکٹر عارف علوی نے کہا ہے کہ پاکستان کی گوادر بندرگاہ اور متحدہ عرب امارات کی جبل علی بندرگاہ بین الاقوامی تجارت کو مضبوط بنانے اور ایک دوسرے کو مستحکم کرنے کے لیے مل کر کام کر سکتے ہیں۔ انہوں نے وسطی ایشیائی جمہوریہ تک رسائی کے حوالے سے گوادر پورٹ کی اسٹریٹجک پوزیشن پر روشنی ڈالتے ہوئےکہا کہ دونوں علاقائی تجارت اور رابطے بڑھانے کے لیے کام کر سکتے ہیں۔ انہوں نے پاکستان اور متحدہ عرب امارات کے درمیان سفارتی تعلقات کے قیام کی 50 ویں سالگرہ کے حوالے سے بھی بات کی جبکہ بین الاقوامی تجارتی مرکز کے طور پر دبئی کی اہمیت کو سراہتے ہوئے کہا کہ پاکستان اس سے بہت کچھ سیکھ سکتا ہے۔