گوادر 21ویں صدی کے میری ٹائم سلک روٹ کے ہدف کو حاصل کرنے میں مدد فراہم کر سکتا ہے، پروفیسر چینگ ژیژونگ۔

ساؤتھ ویسٹ یونیورسٹی آف پولیٹیکل سائنس اینڈ لاء کے وزٹنگ پروفیسر اور چہار انسٹیٹیوٹ کے سینئر فیلو چینگ ژیژونگ نے کہا ہےکہ تمام منصوبے مکمل ہونے کے بعد گوادر پورے خطے کے لیے تجارتی سرگرمیوں کا مرکز بنے گا اور یہ عالمی تجارت کو بہتر انداز میں فروغ دے گا۔انہوں نے گوادر کے اسٹریٹجک محل وقوع کی اہمیت پر روشنی ڈالتے ہوئے کہا کہ ایک نیا ترقی یافتہ بندرگاہی شہر علاقائی رابطوں کے مرکز کے طور پر کام کرتا ہے۔ پروفیسر چینگ نے یہ بھی کہا کہ گوادر اپنی قدرتی گہرے سمندری بندرگاہ اور اسٹریٹجک پوزیشن کی وجہ سے 21ویں صدی کے میری ٹائم سلک روٹ کے مقصد کو حاصل کرنے میں چین اور پاکستان کی مدد کر سکتا ہے۔