گورنر پنجاب نے خنجراب پاس کے تجارت کے لیے دوبارہ کھلنے پر نہایت مسرت کا اظہار کیا۔

گورنر پنجاب محمد بلیغ الرحمان نے کہا ہے کہ خنجراب پاس کھلنے سے سی پیک کے تحت منصوبوں کی تکمیل کا عمل تیز ہو جائے گا۔ وہ لاہور میں یونیورسل گیس ڈسٹری بیوشن کمپنی کے چیف ایگزیکٹو آفیسر غیاث عبداللہ پراچہ اور چینی گیس کمپنی کے وفد سے بات چیت کر رہے تھے۔ گورنر نے ملک کو بدترین معاشی حالات سے نکالنے کے لیے چین کے گراں قدر تعاون کا اعتراف کیا۔