ہائر ایجوکیشن کمیشن نے سی پیک چیلنجز پر تحقیقی پروپوزل طلب کر لیے۔

ہائر ایجوکیشن کمیشن (ایچ ای سی) نے سرکاری اور نجی یونیورسٹیوں اور ڈگری دینے والے اداروں کے فیکلٹی ممبران کو تحقیقی پروپوزل پیش کرنے کے لیے مدعو کیا ہے جو پاکستان کی سماجی و اقتصادی ترقی بالخصوص سی پیک سے متعلق مسائل کو حل کرنے میں مدد فراہم کریں گے۔ حکومتی ذرائع کے مطابق سی پیک کولیبریٹو ریسرچ گرانٹ (سی پیک-سی آر جی) حال ہی میں متعارف کرائے گئے ایچ ای سی پروگرام کے لازمی حصوں میں سے ایک ہے جس کا عنوان ہے “سی پیک کنسورشیم آف یونیورسٹیز کے تحت تعلیمی تعاون”ہے۔ توقع ہے کہ سی پیک-سی آر جی پاکستان اور چین کے درمیان قومی اہمیت کے کلیدی شعبوں میں ممکنہ تحقیقی شراکت داری کی حوصلہ افزائی کرے گا اورقومی خدشات کو دور کرنے میں چین کی تحقیقی صلاحیت اور تجربے سے فائدہ میں مدد فراہم کرےگا۔