وفاقی حکومت کی جانب سےسی پیک سے منسلک مختلف منصوبوں کے لئے 77 ارب روپے مختص۔

وفاقی وزیر برائے منصوبہ بندی ، ترقی ، اصلاحات اورخصوصی اقدامات اسد عمر نے آگاہ کیا ہے کہ حکومت نے سی پیک کے تحت سکھر-حیدرآباد موٹروے منصوبہ کے لئے 50 ارب روپے مختص کیے ہیں۔انہوں نے مزید کہا کہ سکھر- حیدرآباد موٹروے کے ساتھ ساتھ خیبر پختونخواہ میں راشکئی ، بلوچستان میں بوستان اور پنجاب میں علامہ اقبال انڈسٹریل سٹی (اے آئی سی) کے خصوصی اقتصادی علاقوں پر کام کا آغاز اسی سال سے شروع ہوگا۔وفاقی وزیر اسد عمر نے مزید بتایا کہ ایم ایل-1 ریلوے منصوبے پر کام اگلے سال کی پہلی سہ ماہی تک شروع ہوجائے گا جبکہ یہ 9 سال میں مکمل ہوگا۔ ان کا مزید کہنا تھاکہ پاکستان اور چین سی پیک کے تحت آزاد انڈپنڈنٹ پاور پراجیکٹس (آئی پی پی) سے متعلق معاملات پر گفت و شنید کے سلسلے کو آگے بڑھا رہے ہیں۔