سی پیک سسٹینبل ڈویلپمنٹ گولز(ایس ڈی جیز)کے اہداف کے حصول میں نہایت معاون

چین کے بیلٹ اینڈ روڈ انیشی ایٹیو (بی آر آئی) کا فلیگ شپ پراجیکٹ چائینہ -پاکستان اقتصادی راہداری علاقائی رابطہ کاری کے لئے ایک سنگ میل ہے۔واضح رہے کہ سی پیک سے نہ صرف چین اور پاکستان کو فائدہ ہوگا بلکہ ایران ، افغانستان ، وسطی ایشیائی ممالک کے ساتھ ساتھ خطے میں اس کے مثبت اثرات مرتب ہوں گے۔جبکہ سی پیک میں اس کے روٹس کے قرب و جوار رہنے والے مقامی لوگوں کی سماجی و اقتصادی ترقی کو تیز کرنے کی بھرپورصلاحیت موجود ہے۔نیز یہ میگا پراجیکٹ تکمیل کے بعد سسٹینبل ڈولپمنٹ گولز کے اہداف کے حصول میں نہایت معاون ثابت ہوگا۔ مزید برآں کووڈ-19کے بعد عالمی منظر نامے میں پائیدار سماجی و اقتصادی نمو اور علاقائی رابطہ سازی کے لئے سی پیک نہایت ہی اہمیت کا حامل ہوگا۔