چین کی جانب سے کووڈ-19کے خلاف جنگ اور ٹڈیوں کے حملوں سے نمٹنے میں مدد کے لئے این ڈی ایم اے کو یو اے ویز کی فراہمی۔

چین اور پاکستان کے مابین سچی دوستی سے مشروط برادرانہ تعلقات استوار ہیں جو ہر دکھ سکھ میں ایک دوسرے کے شانہ بشانہ کھڑے رہتے ہیں۔ واضح رہے کہ چین ہرمشکل کھڑی میں پاکستان کے ساتھ مضبوطی سے کھڑا ہے اور اس نے ہر محاذ پر بھرپورحمایت کو یقینی بنایا ہے۔ چینی سرکاری اور نجی کمپنیاں کووڈ -19 اور ٹڈیوں کے حملوں کے خلاف جنگ میں پاکستان کی حمایت جاری رکھے ہوئے ہیں۔ چین کی شینزین سنون انٹیلیجنٹ کمپنی لمیٹڈ نے پاکستان میں نیشنل ڈیزاسٹر منیجمنٹ اتھارٹی (این ڈی ایم اے) کو 5 انڈسٹریل اَنمینڈ ایریل وہیکل (یو اے ویز) کووڈ-19 اور ملک میں ٹڈیوں کے حملوں سےمقابلہ کرنے کے لئے عطیہ کیے ہیں۔