پاکستان”ون چائینہ”پالیسی پر چین کےمؤقف کی بھر پور حمایت جاری رکھنے کے لئے پُر عزم۔

پاکستان اور چین کی دوستی اور سٹریٹیجک تعاون پر مبنی شراکت داری نہایت مضبوط اور وقت آزما ہے۔ گزشتہ سات دہائیوں پر محیط یہ دوستی عالمی اور علاقائی پر رونما ہونے والی ہر آزمائش پر پورا اتری ہے اور اب بھی ہرطلوع ہونے والی نئی صبح کے ساتھ مزید مستحکم ہو رہی ہے۔ پاکستان نے چین کے خصوصی انتظامی خطے ہانگ کانگ کے لئے چین کی قومی سلامتی کی نئی قانون سازی کی حمایت کا اظہار کیا ہے۔ دفتر خارجہ کی ترجمان عائشہ فاروقی نے ”ون چائینہ” پالیسی کی بھر پور حمایت کو جاری رکھنے کے عزم کا اظہار کرتے ہوئے کہا ہےکہ ہانگ کانگ سے متعلق معاملات چین کے داخلی امور ہیں۔