پی سی آئی کی شریکِ میزبانی میں ”کووڈ-19 اور سی پیک پر اس کے اثرات” کے موضوع پر ویبنار کا انعقاد۔

پاکستان-چائینہ انسٹیٹیوٹ (پی سی آئی) نے چین-پاکستان تھنک ٹینکس ویبنار کی مشترکہ طور پر میزبانی کی ہے جس میں ”کووڈ-19بحران کے بعد چین پاکستان تعاون کے نئے مواقع اور چیلینجز” کے موضوع پرمعروف ماہرین اور منتظمین نے تبادلہ خیال کرنے کے لئے حصہ لیا۔ چینی سفیر یاؤ جِنگ اور سینیٹر مشاہد حسین سید اہم مقررین میں شامل تھے۔ اس ویبنار کے دوران چینی سفیر یاؤ جنگ نے کہا کہ وبائی مرض کے دوران دوطرفہ تعاون حوصلہ افزا اور نہایت خوش آئیند ہے۔ پی سی آئی کے چیئرمین سینیٹر مشاہد حسین نے اس موقع پرکہا کہ کووڈ-19کی صورتحال کے دوران باہمی تعلقات مزید مستحکم ہوئے ہیں۔