سی پیک خطے میں سماجی و اقتصادی ترقی کا ایک اہم مظہر ثابت ہوگا۔

چیئرمین کشمیر کمیٹی شہریار خان نے سی پیک کو نہ صرف پاکستان بلکہ پورے خطے خصوصاً افغانستان کے لئے گیم چینجر قرار دیا ہے۔ انہوں نے مزید کہا کہ سی پیک پاکستان اور افغانستان کو پرامن بقائے باہمی اور مشترکہ خوشحالی کی راہ پر گامزن کرے گا۔ ان خیالات کا اظہار انہوں نے پاک افغان یوتھ فورم کے زیراہتمام منعقدہ پاک افغان یوتھ جرگہ کے شرکاء سے خطاب کرتے ہوئے کیا۔