چینی وفد کی میاں اسلم سے ملاقات ، بھلوال میں 70 ملین ڈالر کی سرمایہ کاری میں دلچسپی کا اظہار۔

ایگزیکٹو ڈائریکٹر لیو فینچہاؤ اور ڈائریکٹر وو جیان بین پر مشتمل چین کے اوریئل سیرامکس کے دو رکنی وفد نے منگل کو وزیر برائے صنعت میاں اسلم اقبال سے ان کے دفتر میں ملاقات کی۔ اس ملاقات کے دوران لیو فینچہاؤ نے کہا کہ ان کی کمپنی بھلوال میں 70 ملین امریکی ڈالر کی سرمایہ کاری کررہی ہے۔ میاں اسلم نے تمام اسٹیک ہولڈرز کو ہدایت کی کہ وہ کمپنی کو گیس اور بجلی کی بلا تعطل فراہمی کو یقینی بنائیں۔