سی پیک خیبر پختونخواہ میں خوشحالی کا روشن باب ثابت ہوگا۔ سپیکر قومی اسمبلی۔

قومی اسمبلی کے سپیکر اسد قیصر نے خیبر پختونخواہ میں چین پاکستان اقتصادی راہداری (سی پیک) سے متعلق منصوبوں پر پیشرفت کا جائزہ لینے کے لئے پارلیمنٹ ہاؤس میں منعقدہ ایک اعلی سطحی اجلاس کی صدارت کرتے ہوئے کہا کہ ان منصوبوں کی تکمیل کے بعد خیبر پختونخواہ میں تعمیر و ترقی کے کثیر مواقع پیدا ہوں گے۔ اس اجلاس میں راشکئی اقتصادی زون سے متعلق امور پر بھی تبادلہ خیال کیا گیا جس کا جلد افتتاح کیا جائے گا۔ مزید برآں اجلاس میں ڈی آئی خان اقتصادی زون کے معاملات پر بھی تبادلہ خیال کیا گیا۔