پاکستان کھجور کی پیداوارمیں خاطر خواہ نتائج کے حصول کے لئے سی پیک سے استفادہ حاصل کر سکتا ہے۔

گوادر پرو کی ایک رپورٹ کے مطابق سی پیک پاکستان کھجور کی پیداوار میں اضافہ کرنے میں مدد فراہم کرے گا۔ سی پیک کے تحت تعمیر شدہ نئی موٹر ویز کسانوں کو کھجوروں کو منڈی تک رسائی فراہم کر رہی ہیں اور ملک کے دور دراز علاقوں میں اپنے فارموں میں جدید مشینیں اور جدید کاشتکاری کے اوزار لانے میں بھی مدد کر رہی ہیں۔مزید برآں اس رپورٹ میں بتایا گیا ہے کہ پاکستان دنیا کی بہترین کھجور پیدا کرنے والے ممالک میں شامل ہے اور سی پیک کے تحت پروسیسنگ کے لئے رابطہ کاری اور زرعی مشینری میں اضافہ کے ساتھ صنعت میں مثبت تبدیلی آسکتی ہے۔