سی پیک اتھارٹی چیئرمین کی جانب سے سنگاپور کے سرمایہ کاروں کو خصوصی اقتصادی زونز میں سرمایہ کاری کی دعوت۔

Asim Saleem Bajwa

سی پیک کے خصوصی اقتصادی زونز میں سرمایہ کاری کے مواقعوں کے حوالے سے منعقدہ ایک ویبینار سے خطاب کرتے ہوئے سی پیک اتھارٹی کے چیئرمین لیفٹیننٹ جنرل (ر) عاصم سلیم باجوہ نے سنگاپور سے آنے والے سرمایہ کاروں کو سی پیک کے تحت قائم ہونے والےخصوصی اقتصادی زونز سے فائدہ اٹھانے کی دعوت دی۔ انہوں نے مزید کہا کہ سنگاپور پاکستان میں اقتصادی ترقی کے لئے رول ماڈل ثابت ہوسکتا ہے اور اپنے سرمایہ کاروں کی مہارت کو اس کے فوائد کے حصول کا ذریعہ بنا سکتا ہے۔ انہوں نے اس بات پر زور دیا کہ ٹیکسٹائل اور گارمنٹس کے شعبوں میں سنگاپور کی سرمایہ کاری خاص طور پر فائدہ مند ثابت ہوگی۔ انہوں نے مزید کہا کہ گوادر فری ٹریڈ زون ستمبر تک مکمل ہوجائے گا اور جلد ہی فعال ہوجائے گاجبکہ انہوں نے ایران کے ساتھ تجارت کی اہمیت کے بارے میں بھی گفتگو کی۔