پاکستان اور چین ترجیحی تجارتی پالیسیوں کے ثمرات سے مستفیدہونگے۔

پاکستان شینگلین کنسلٹنگ کمپنی لمیٹڈ (پی ایس سی) کے چیف نمائندے جیان پینگ (فلپ) نے کہا ہے کہ چین کو برآمدات میں اضافے کی وجہ سے پاکستان کی صنعتیں تیزی سے ترقی کریں گی جبکہ تعمیراتی صنعت بنیادی طور پر چین سے پیداواری صلاحیت کی منتقلی کے ذریعے ترقی کرے گی اس طرح تعمیراتی شعبے سے وابستہ صنعتیں جیسے اسٹیل ، سیمنٹ اور گلاس بنیادی طور پر ترقی کی راہ پر گامزن ہونگی۔ان کا مزید کہنا تھاکہ خصوصی اقتصادی زونزکی ترجیحی پالیسیوں کے تحت چینی آٹوموبائل مینوفیکچررز اور اسپیئر پارٹس سپلائرز بھی اپنے پلانٹس تیار کر سکیں گے۔ مزید برآں انہوں نے کہا کہ پی ایس سی چین پاکستان کموڈٹی ٹریڈنگ سینٹر کے قیام پر کام کر رہا ہے تاکہ دونوں ممالک کے درمیان تجارت کو آسان بنایا جا سکے۔