سی پیک کے دوسرے مرحلے میں سبز ترقی اورعوامی روابط پر خاص توجہ مرکوز ہے،چینی سفیر نونگ رونگ۔

ایک پاکستانی نیوز چینل کو دیے گئے خصوصی انٹرویو میں پاکستان میں تعینات چین کے سفیر نونگ رونگ نے کہا ہےکہ جوں جوں سی پیک دوسرے مرحلے میں داخل ہوا ہے گرین ڈویلپمنٹ پر خاص توجہ مرکوز ہے اور دونوں ممالک کے درمیان عوامی روابط کو بھی یقینی بنایا جائے گا۔ انہوں نے مزیدکہا کہ پاکستان اور چین آہنی بھائی ہیں اور ان کا رشتہ ایک خاندان جیسا ہے۔مزید برآں ان کا کہنا تھا کہ چین تمام ممالک کے ساتھ پرامن تعلقات کا خواہاں ہے۔چینی سفیر نونگ رونگ نے مزید کہا کہ وہ افغانستان سمیت تمام فریقین کو سی پیک میں شمولیت کی دعوت دیتے ہیں۔ انہوں نے افغانستان میں جاری انسانی بحران کے حوالے سے بھی تشویش کا اظہار کیا۔