چینی وزارت خارجہ کے ترجمان وانگ وین بن نے وزیر اعظم عمران خان کے کاروبار کے لیے سازگار اقدامات کو سراہا۔

پریس بریفنگ کے دوران چینی وزارت خارجہ کے ترجمان وانگ وین بن نے دوطرفہ تعلقات کو اہمیت دینے اور دونوں ممالک کے درمیان تجارت کو فروغ دینے میں وزیراعظم عمران خان اور ان کی حکومت کی کوششوں کو سراہا ہے۔ قبل ازیں وزیراعظم عمران خان نے پاکستان میں چینی کمپنیوں کی سرمایہ کاری بڑھانے اور بزنس ٹو بزنس تعاون کو فروغ دینے کے لیے سرمایہ کاری بورڈ اور آل پاکستان چائنیز انٹرپرائزز ایسوسی ایشن کے تعاون سے پاک چائنہ بزنس فورم کا افتتاح کیا۔ انہوں نے اس بات پر بھی روشنی ڈالی کہ سی پیک بی آر آئی کے تحت ایک اہم پلیٹ فارم اور اہم منصوبہ ہے۔