چین اور پاکستان کے درمیان مشترکہ مفادات کے تحفظ اور تعاون کو مزید مضبوط کرنے پر اتفاق۔

چینی وزیر خارجہ وانگ یی جنہوں او آئی سی وزرائے خارجہ کے اجلاس میں بطور سپیشل گیسٹ شرگت کی، نے پاکستان کی اقتصادی اور صنعتی ترقی کے لیے چین کے عزم کا اعادہ کرتے ہوئے وزیراعظم عمران خان اور صدر عارف علوی سمیت پاکستانی حکام سے ملاقات کی۔ واضح رہے کہ چین ہمیشہ ایک قابل اعتماد اور سدا بہار شراکت دار ثابت ہوا ہے اور وہ ان چند ممالک میں سے ایک ہے جنہوں نے ہمیشہ معاشی مشکلات میں پاکستان کو مدد فراہم کی ہے۔ سی پیک پروجیکٹ نے دیرینہ عزائم کو پورا کرنے کا ایک شاندار موقع فراہم کیا ہے۔ وزیراعظم عمران خان نے چینی وزیر خارجہ کو بتایا کہ سی پیک  منصوبے کا دوسرا مرحلہ صنعتی ترقی، زراعت اور انفارمیشن ٹیکنالوجی سمیت دیگر شعبوں میں تعاون کو بڑھا کر پاکستان کی اقتصادی ترقی اور دو طرفہ تعاون کو مزید تقویت دے گا۔