پاکستان کی شنگھائی تعاون تنظیم کے 17ویں اجلاس میں شرکت۔

 شنگھائی تعاون تنظیم فورم کے 17ویں اجلاس میں پاکستان، قازقستان، چین، کرغز جمہوریہ، روس، تاجکستان، بھارت اور ازبکستان سے چالیس سے زائد ماہرین اور سیاسی تجزیہ کاروں نے شرکت کی۔ ایس سی او سیکرٹریٹ کے مطابق ایس سی او کے سیکرٹری جنرل ژانگ منگ نے بیجنگ میں ویڈیو کانفرنس کے ذریعے منعقدہ سربراہی اجلاس کی افتتاحی تقریب سے خطاب کیا۔ بین الاقوامی امن وسلامتی، اقتصادی تعاون کے مسائل اور ثقافتی اور انسانی ہمدردی کی بنیاد پر تعاون کے دائرے میں شنگھائی تعاون تنظیم کے ممالک کے درمیان زیادہ سے زیادہ تعامل پر مبنی موضوعات زیرِ بحث لائی گئی جن پر شرکاء نے خوب روشنی ڈالی۔