چین اور پاکستان سی پیک کے تحت زرعی تعاون کے فریم ورک پر مفاہمت کی یادداشت پر دستخط کریں گے۔

سی پیک منصوبے کے تحت چین اور پاکستان ایک مفاہمت کی یادداشت (ایم او یو) پر دستخط کریں گے جو دونوں ممالک کے درمیان زرعی تعاون پر ایک فریم ورک معاہدہ طے ہوگا۔ اس مفاہمت کی یادداشت پر دستخط اگلے ماہ چین پاکستان جوائنٹ ورکنگ گروپ (جے ڈبلیو جی) کے زرعی تعاون کے اجلاس کے دوران کیے جائیں گے۔ اسلام آباد میں عوامی جمہوریہ چین کے سفارت خانے کے زرعی قونصلر ڈاکٹر گو وین لیانگ نے یہ اعلان سی پیک کے تحت چین پاکستان زرعی تعاون پر ایک لیکچر کے دوران کیا۔