سرمایہ کاری بورڈ پاکستان میں سرمایہ کاری کے مواقعوں سے مستفید کرنے کے لیے نورینکو انٹرنیشنل کو تمام سہولیات فراہم کرے گا۔

نورینکو انٹرنیشنل نے بورڈ آف انویسٹمنٹ (بی او آئی) پاکستان کے ساتھ ایک “تکنیکی میٹنگ” کے دوران پاکستان میں کئی شعبوں میں اپنے سرمایہ کاری کے پلان پیش کیے ہیں۔تفصیلات کے مطابق یہ 30 جون کو وزیر اعظم شہباز شریف اور نورینکو انٹرنیشنل کے نائب صدر مسٹر وانگ ژاؤ بنگ کے درمیان ہونے والی ملاقات کا فالو اپ تھا۔ نورینکو نے کان کنی، سیٹلائٹ نیویگیشن، آپٹیکل فائبر، کراچی سرکلر ریلوے اور قابل تجدید توانائی کے شعبوں میں سرمایہ کاری کرنے کے اپنے منصوبوں کا اعلان کیا۔ وزیر اعظم کے معاون خصوصی نے سرمایہ کاری کو مکمل طور پر آسان بنانے اور متعلقہ اسٹیک ہولڈرز کے ساتھ روابط کو یقینی بنانے کے لیے بورڈ آف انویسٹمنٹ کے حکام کو ہدایت کی ہے۔ اجلاس میں ایس اے پی ایم ڈاکٹر جہانزیب خان، سیکرٹری بی او آئی اسد رحمان خان اور دیگر اعلیٰ سرکاری افسران نے شرکت کی۔