سی پیک کےتحت ایم ایل ون منصوبے کی تکمیل کے بعد پاکستان ریلوے مال بردار کاروبار کا 20 فیصد سے زیادہ نقل و حمل کرے گا۔

ایک اہم ذرائع کے مطابق پاکستان ریلویز کو توقع ہے کہ سی پیک کے تحت مین لائن ون (ایم ایل ون) کی تکمیل کے بعد ملک کے مال بردار کاروبار کا 20 فیصد سے زیادہ نقل و حمل ہو گا جس سے محکمے کو منافع بخش ادارہ بنانے میں مدد ملے گی۔ اس وقت پاکستان ریلوے ملک میں کل مال بردار ٹریفک کا صرف چار فیصد نقل و حمل کر رہا ہے جو کہ محکمہ کے لیے کافی نہیں ہے۔ انہوں نے کہا کہ ایم ایل ون کو تین پیکجز میں مکمل کرنے کا منصوبہ بنایا گیا ہے۔ انہوں نے مزید کہا کہ اس منصوبے کا ابتدائی ڈیزائن مکمل کر لیا گیا ہے اور پیکیج ون کے لیے قرض کی باضابطہ درخواست بھیج دی گئی ہے۔