چینی سفیر نے سی پیک کے حوالے سے حکومت پاکستان کے عزم کو شاندار الفاظ میں سراہا۔

چین کے سفیر نونگ رونگ نے اسلام آباد میں وزیر توانائی خرم دستگیر خان سے ملاقات کی۔اس موقع پر چینی سفیر کا خیرمقدم کرتے ہوئے خرم دستگیر خان نے کہا کہ 2014 میں کوئی دوسرا ملک پاکستان میں سرمایہ کاری کرنے کو تیار نہیں تھا لیکن ہمارے برادر ملک چین نے پاکستان پر اعتماد کیا۔ انہوں نے مزید کہا کہ پاور سیکٹر میں چینی سرمایہ کاری بہت اہمیت کی حامل ہے۔ دونوں اطراف نے سی پیک کے تحت پن بجلی کے منصوبوں کی اہمیت پر روشنی ڈالی اور جاری منصوبوں کو تیز کرنے پر اتفاق کیا۔چینی سفیر نے سی پیک کے حوالے سے پاکستانی حکومت کےعزم اور پیش رفت پر موجودہ حکومت کی کاوشوں کو قابلِ تعریف قرار دیا۔