سی پیک نے ترقی کی نئی راہیں ہموار کیں،گورنر پنجاب

فارن سروس اکیڈمی میں کورس کرنے والے آسیان ممالک کے محکمہ خارجہ کے افسران کے وفد نے گورنر بلیغ الرحمان سے گورنر ہاؤس میں ملاقات کی۔ ڈاکٹر عاصمہ ربانی، ڈائریکٹر (پروگرام) فارن سروسز اکیڈمی وفد کی قیادت کر رہی تھیں۔ اس موقع پر گورنر بلیغ الرحمان نے کہا کہ پاکستان کے آسیان کے رکن ممالک برونائی، ڈیموکریٹک ریپبلک آف لاؤس، میانمار اور ویتنام کے ساتھ ہمیشہ قریبی اور خوشگوار تعلقات رہے ہیں۔ انہوں نے کہا کہ پاکستان آسیان روابط کا حصہ بننے میں دلچسپی رکھتا ہے۔ انہوں نے کہا کہ سی پیک ایک جاری ترقیاتی میگا پراجیکٹ ہے اور حکومت سی پیک کے جاری ترقیاتی منصوبوں کو تیز کرنے کے لیے پرعزم ہے۔