چینی کمپنیاں پاکستان کے خصوصی اقتصادی زونز میں سرمایہ کاری کی خواہشمند ہیں، چوہدری سالک حسین

سی پیک اپنے دوسرے مرحلے میں داخل ہونے والا ہےجس میں صنعتی تعاون اورخاص طور پر خصوصی اقتصادی زونز میں
سرمایہ پر خاص توجہ دی جائے گی۔ان خیالات کا اظہار سینیٹ میں ایک سوال کے جواب میں وزیر سرمایہ کاری چوہدری سالک حسین نے کیا۔ان کا مزید کہنا تھا کہ متعدد چینی اور مقامی کاروباری اداروں نے پاکستان بھر میں خصوصی اقتصادی زونز میں سرمایہ کاری میں دلچسپی ظاہر کی ہے۔ ان کے مطابق سی پیک کے پہلے مرحلے میں بنیادی ڈھانچے اور تواناٸی سے متعلق ارلی ہارویسٹ کے زیادہ تر منصوبے مکمل ہو چکے ہیں۔