پاکستان ریلوے نے دو چینی ٹیک کمپنیوں کے ساتھ ایپ لانچ کرنے کے لیے مفاہمت کی یاداشت پر دستخط کر دیئے۔

پاکستان ریلوے اور دو چینی ٹیک کمپنیوں نورینکو انٹرنیشنل کوآپریشن، ایزی وے نے محکمہ کے آپریشنز کو جدید بنانے کے لیے ‘ریلوے آٹومیٹڈ بکنگ اینڈ ٹریول اسسٹنس (رابطہ) کے نام سے ایک ایپ لانچ کرنے کے لیے مفاہمت کی یادداشت پر دستخط کیے ہیں۔ آج لاہور میں ریلوے ہیڈ کوارٹرز میں مفاہمت کی یادداشت پر دستخط کی تقریب کے بعد میڈیا سے گفتگو کرتے ہوئے وزیر ریلوے خواجہ سعد رفیق نے کہا کہ رابطہ ایپ تمام سفری ضروریات کے لیے ایک بہترین حل ہے جہاں مسافر ہوٹل کے کمرے، ٹیکسیاں ریزرو کر سکتے ہیں اور سفر کے دوران اپنے کھانے کا انتخاب کر سکتے ہیں۔ وزیر نے کہا کہ چینی کمپنیوں کے ساتھ معاہدہ مکمل طور پر ریونیو شیئرنگ فارمولے پر مبنی ہے۔