اکیڈمیا-انڈسٹری انٹیگریشن الائنس کا آغاز پاکستانی نوجوانوں کے لیے نیک شگون،پاکستانی سفیر معین الحق

پاکستان کے سفیر معین الحق نے کہا ہےکہ اکیڈمیا-انڈسٹری انٹیگریشن الائنس کا آغاز پاکستانی نوجوانوں کی ہنر مندی کے لیے ایک اہم اقدام ہے اور یہ چین پاکستان اقتصادی راہداری (سی پیک) کے تحت پاکستان کی خوشحالی اور صنعتی ترقی میں معاون ثابت ہوگا۔ حال ہی میں منعقدہ انٹرنیٹ انٹرنیشنل اور انڈسٹری-ایجوکیشن انٹیگریشن پر دو روزہ سیمینار سے خطاب کرتے ہوئے انہوں نے آئی ٹی، ابھرتی ہوئی ٹیکنالوجیز اور اختراع کے شعبوں میں چینی کامیابیوں کی تعریف کی جس کی وجہ سے سمارٹ شہروں اور صنعتوں کی تشکیل ہوئی ہے۔