پاکستان شنگھائی اکنامک سٹی میں تجارت اور سرمایہ کاری کے مواقعوں سے فائدہ اٹھائے گا

شنگھائی میں پاکستان کے قونصل جنرل حسین حیدر نے کہا ہے کہ پاکستان چینی کاروباری اداروں کے ساتھ تجارت اور سرمایہ کاری کے تعاون کے مواقع کو فعال طور پر تلاش کرتا ہے اور پاکستان کے اندر فروخت کیلئے مینوفیکچرنگ آپریشنز یا ڈیوٹی فری ایکسپورٹ سمیت پاکستان میں براہ راست چینی سرمایہ کاری کا خیرمقدم کرتا ہے۔ میڈیا رپورٹس کے مطابق پاکستان انٹرنیشنل پروموشن کانفرنس کے دوران انہوں نے کہا کہ پاکستان میں تجارت اور سرمایہ کاری کے مواقع پر اپنی پریزنٹیشن کے دوران، قونصل جنرل نے منفرد پاکستانی مصنوعات، اعلیٰ برآمدات، پاکستان کی غیر ملکی تجارت، پاکستان میں ترجیحی سرمایہ کاری کی پالیسیوں، چین پاکستان اقتصادی راہداری، غیر ملکی سرمایہ کاری کی ترغیبات ، دیگر موضوعات اور ترجیحی شعبوں کا جائزہ پیش کیا۔  قونصل جنرل نے مزید کہا کہ بیلٹ اینڈ روڈ کے ایک اہم موڑ پر واقع پاکستان ایک منفرد جغرافیائی محل وقوع اور وافر قدرتی وسائل کا مالک ہے۔ انہوں نے کہاکہ اپنی خاطر خواہ مارکیٹ کی صلاحیت، نوجوان افرادی قوت اور زرعی فوائد کے ساتھ، پاکستان معیشت، خصوصی اقتصادی زونز ، سیاحت اور ثقافت کے شعبوں میں نمایاں ترقی کی صلاحیت رکھتا ہے، اس طرح چینی سرمایہ کاری اور سیاحوں کو راغب کیا جا رہا ہے۔