چینی نائب وزیراعظم سی پیک کی 10سالہ تقریبات میں شرکت کے لیے آج پاکستان پہنچیں گے

حکومت پاکستان کی دعوت پر چینی صدر شی جن پنگ کے خصوصی نمائندے، چین کے نائب وزیرِاعظم اور کمیونسٹ پارٹی کی سینٹرل کمیٹی کے پولٹ بیورو کے رکن ہی لائفنگ 30 جولائی سے یکم اگست تک پاکستان کا دورہ کریں گے۔ ترجمان دفتر خارجہ کی جانب سے سنیچر کو جاری کیے گئے بیان کے مطابق چینی نائب وزیرِاعظم ہی لائفنگ اپنے دورے کے دوران سی پیک کی 10 ویں سالگرہ کی تقریبات میں شرکت کریں گے اور صدر عارف علوی اور وزیراعظم شہباز شریف سے ملاقات کریں گے۔ وہ چین پاکستان اقتصادی راہداری (سی پیک) کی دہائی منانے والی تقریب میں بطور مہمان خصوصی بھی شرکت کریں گے۔