سی پیک منصوبہ قومی اور علاقائی اقتصادی ترقی کے لئے نہایت اہمیت کا حامل۔۔۔وزیر اعظم عمران خان۔

وزیر اعظم پاکستان عمران خان نے کہا ہے کہ چائینہ پاکستان اقتصادی راہداری منصوبہ نہ صرف پاک چین دوستی کا عملی نمونہ ہے بلکہ اس میگا پراجیکٹ کے مثبت اثرات ملکی اور علاقائی معیشت پر بھی مرتب ہو رہے ہیں۔وزیراعظم نے مختلف وزارتوں سے سہ ماہی اہداف مرتب کرنے کی منصوبہ بندی اور ان کو مکمل کرنے کی جامع حکمت عملی کی پیش رفت کے حوالے سے استفسار کیا۔اس دوران وزیر منصوبہ بندی و ترقی مخدوم خسرو بختیار نے سی پیک منصوبہ کے مختلف پراجیکٹس کی پیش رفت کا جائزہ لینے کے لئے گزشتہ دنوں منعقد ہونے والی اجلاس کے حوالے سے آگاہ کیا۔وزیر اعظم عمران خان نے سی پیک منصوبہ کے مختلف پراجیکٹس کی پیش رفت کے عمل پر اطمینان کا اظہار کیا۔