حکومتِ پاکستان کی چینی ٹاپ سَن موٹرز کی شراکت سے پہلی بار برقی کار متعارف۔۔۔۔

حکومتِ پاکستانی نے چینی کمپنی ٹاپ سَن موٹرز کے تعاون سے پہلی برقی کار کمپنی کا آغاز کرنے کے ذریعے سے ملک میں نیشنل الیکٹرک وہیکل پالیسی (این ای وی پی) کا نفاذ عمل میں لایا ہے تفصیلات کے مطابق اس مشترکہ سرگرمی کا شو روم جیل روڈ،لاہور میں واقع ہے۔اس شو روم کا افتتاح پنجاب کے صوبائی وزیر برائے ہاؤسنگ، اربن ڈویلپمنٹ اینڈ پبلک ہیلتھ انجینئرنگ میاں محمود الرحمٰن اور ٹاپ سَن موٹرز کے منیجنگ ڈائریکٹر ملک ریاض نے 3جنوری 2020ء کو کیا۔ واضح رہے کہ الیکٹرک کار زیڈ100 تین سو کلو میٹر تک سنگل بیٹری چارج پہ چلتی ہے اور اس کی قیمت 9۔1سے 2ملین روپے تک ہے۔اسی طرح برقی کار میں 1000سی سی انجن 5-سپیڈ ٹرانسمیشن نصب ہے۔اس وقت یہ برقی کاریں کمپلیٹلی بِلڈ یونٹ ماڈل کی صورت میں درآمد ہوں گیئں جس کے تحت یہ کاریں مکمل تیار شکل میں درآمد کی جاتی ہیں۔