ایف آئی ای ڈی ایم سی کی جانبسی پیک منصوبہ کے سبب پاکستان کا ٹیکنالوجی کا شعبہ مستحکم ہوجائے گا۔۔۔۔

وفاقی وزیر سائنس و ٹیکنالوجی فواد چودھری نے اعلان کیا ہے کہ سی پیک منصوبہ کے تحت سائنس و ٹیکنالوجی کے شعبے میں باہمی تعاون کو مزید فروغ دیا جائے گا۔ان کا مزید کہنا تھا کہ رواں سال اپریل کے مہینے میں چائینیز نیشنل ڈویلپمنٹ اینڈ ریفارمز کمیشن(این ڈی آر سی)سی پیک منصوبہ سے جڑےپاکستان میں تعمیر و ترقی کے پراجیکٹس کا تخمینہ مقرر کرنےکے لئے پاکستان کا دورہ کرے گا اور اس میں سائنس و ٹیکنالوجی کے شعبے میں باہمی تعاون سے متعلق امور پر بھی تبادلہ خیال کیا جائے گا۔اس کے علاوہ چین نے سی پیک منصوبہ کے دوسرےمرحلے کے لئے 1ارب ڈالر تک کے خصوصی گرانٹ کا اجراء کرنے کا بھی فیصلہ کیا ہے جس میں انڈسٹریل زونز اور مین لائن-Iمنصوبے کو خاص طور پر ملحوظِ نظر رکھا جائے گا۔