آئیں پاکستان میں صنعت کاری کے فروغ کے لیے اپنی تمام تر کاوشیں بروئے کار لائیں”چینی سفیر کا وزیر اعظم عمران خان کی صدارت میں منعقدہ اجلاس کے بعد اظہارِ خیال۔

سی پیک کے خصوصی اقتصادی زونز میں چینی سرمایہ کاروں کی سہولت کے حوالے سے اجلاس کی صدارت کرتے ہوئے وزیراعظم عمران خان نے تمام متعلقہ حکام کو چینی سرمایہ کاروں کے لیے سہولیات فراہم کرنے کی ہدایت کی ہے۔ انہوں نے اس بات پر بھی روشنی ڈالی کہ پاکستان میں صنعتی کاری کو تیز کرنے کے لیے سرمایہ کاری کی ضرورت ہے جس کے لیے سی پیک بہترین مواقع فراہم کرتا ہے۔ وزیر اعظم عمران خان کو اجلاس کے دوران 27 خصوصی اقتصادی زون ، سنگل ونڈو آپریشن اور سی پیک کے تحت جاری تمام منصوبوں کی پیش رفت کے بارے میں بھی بریفنگ دی گئی۔ اس موقع پر چینی سفیر نونگ رونگ بھی موجود تھے انہوں نے وزیر اعظم خان کے تاثرات کو سراہا۔