ترجمان چینی وزارت خارجہ ماؤ ننگ نے پاک چین تعلقات کو فروغ دینے میں قن گانگ کے دورے کو نہایت اہمیت کا حامل قرار دیا۔

ترجمان چینی وزارت خارجہ ماؤ ننگ نے جاری بیان میں چینی وزیر خارجہ قن گانگ کے دورہ پاکستان کی اہمیت کو اجاگر کرتے ہوئے کہا ہےکہ یہ چین اور پاکستان کے اعلیٰ سطح کے حکام کے درمیان حالیہ قریبی اور متواتر بات چیت کا ایک اہم پہلو ہے۔ ترجمان نے مزید کہا کہ اس دورے کے دوران دو طرفہ تعلقات کے ساتھ ساتھ عالمی اور علاقائی صورتحال پر بھی تبادلہ خیال کریں گے۔ ترجمان نے عزم کا اعادہ کیا کہ پاکستان اور چین ’آئرن فرینڈز‘ ہیں اور ’سدا بہار اسٹرٹیجک کوآپریٹو شراکت داری‘ کے عظیم بندھن میں جڑے ہوئے ہیں۔