جنوبی ایشیاء سی پیک کے تحت بہتر تجارتی تعلقات کے ذریعے سےغربت پر قابو پا سکتا ہے، وزیر اعظم عمران خان۔

وزیر اعظم عمران خان نے کہا ہے کہ جنوبی ایشیاء غربت سے نمٹنے کا واحد راستہ تجارتی تعلقات میں بہتری ہے۔ سری لنکا کے اپنے سرکاری دو روزہ دورے کے دوسرے روز وزیر اعظم عمران خان نے سری لنکا کے تاجروں کو چین پاکستان اقتصادی راہداری (سی پیک) میں سرمایہ کاری کی دعوت دی۔ کولمبو میں تجارت اور سرمایہ کاری کانفرنس سے خطاب کرتے ہوئے عمران خان نے کہا کہ جنوبی ایشیائی ممالک علاقائی اقتصادی تعاون کے ذریعہ اپنے معیار زندگی کو بہتر بناسکتے ہیں۔ دونوں اطراف سے کاروباری برادریوں نے ٹیکسٹائل ، دواسازی ، تعمیرات ، آئی ٹی ، زراعت اور سیاحت کے شعبوں میں تعاون پر آمادگی ظاہر کی ہے۔