حکومت چینی سرمایہ کاروں کو سہولیات کی فراہمی میں حائل تمام رکاوٹیں دور کرنے کے لیے کوشاں ہے، وزیر اعظم شہباز شریف

اسلام آباد میں چینی سرکاری کارپوریشن نورینکو کے وفد سے گفتگو کرتے ہوئے وزیر اعظم شہباز شریف نے کہا ہےکہ پاکستان بیرونی سرمایہ کاری کا خیر مقدم کرتا ہے اور اتحادی حکومت سرمایہ کاروں کو سہولیات کی فراہمی میں حائل تمام رکاوٹوں کو دور کرنے کے لیے اقدامات کر رہی ہے۔ انہوں نے دونوں دوست ممالک کی ترقی اور باہمی خوشحالی کے لیے تبدیلی کے حامل منصوبے کے طور پر سی پیک کی اہمیت پر روشنی ڈالی۔ انہوں نے چینی کاروباری اداروں کو خاص طور پر پاکستانی شمسی توانائی میں سرمایہ کاری کی دعوت دی۔ لاہور اورنج لائن میٹرو ٹرین منصوبہ، جو لاہور میں روزانہ لاکھوں مسافروں کو سہولت فراہم کرتا ہے  کی تکمیل میں نورینکو کے کردار کو وزیر اعظم شہباز شریف نے شاندار الفاظ میں سراہا۔ انہوں نے ملک کی موجودہ اقتصادی صورتحال میں چین کے اعلیٰ حکام کا پاکستان کے لیے جاری مدد پر شکریہ ادا کیا۔