سی پیک اقتصادی اور رابطہ کاری کے حوالے سے نہایت اہمیت کا حامل ایک اہم اسٹرٹیجک منصوبہ ہے،صدر عارف علوی

صدر مملکت ڈاکٹر عارف علوی نے سی پیک کو پاکستان ، چین، علاقائی اور دنیا کے دیگر ممالک کے لئے اقتصادی، مالیاتی، ترسیل اور رابطہ سازی میں اہمیت کا حامل منصوبہ قرار دیتے ہوئے کہا ہے کہ سی پیک میں دوسرے ممالک کی شراکت اور اس سے فائدہ اٹھانے کا خیرمقدم کریں گے۔ صدر مملکت نے ان خیالات کا اظہار ایوان صدر میں چینی سفیر نونگ رونگ سے ملاقات کے دوران گفتگو کرتے ہوئے کیا۔ انہوں نے کہا کہ پاک چین اقتصادی راہدای منصوبہ (سی پیک) ایک تزویراتی منصوبہ ہے، سی پیک کے تحت خصوصی اقتصادی زونز کا مکمل فعال ہونا ایک اہم سنگ میل ہے۔