سی پیک ایک عہد ساز منصوبہ ہےجو پاکستان کی سماجی و اقتصادی ترقی میں اہم کردار ادا کررہا ہے: دفترِخارجہ۔

دفتر خارجہ نے پاکستان اور چین کے تعلقات کو مشترکہ ترقی ، باہمی اعتماد اور احترام پر مبنی قرار دیا ہے۔جبکہ واضح کیا ہے کہ دونوں ممالک علاقائی امن و استحکام کو فروغ دینے کے لئے مل کر کام کر رہے ہیں۔تفصیلات کے مطابق دفتر خارجہ کی ترجمان نے بیلٹ اینڈ روڈ انشی ایٹیو کے فلیگ شپ پراجیکٹ چائینہ-پاکستان اقتصادی کو ایک عہد ساز منصوبہ قرار دیتے ہوئے امید ظاہر کی ہے کہ یہ پاکستان کی سماجی و اقتصادی ترقی کو فروغ دے گا۔ مزید برآں سی پیک کو قرضوں کےبوجھ سے متعلق من گھڑت الزامات اور جھوٹی تنقید کو سختی سے مسترد کرتے ہوئے اس بات کو واضح کیا ہےکہ سی پیک پراجیکٹس سے جڑے قرضے پاکستان کی مجموعی بیرونی قرضوں کامحض10 فیصد سے بھی کم ہیں۔