سی پیک خصوصی اقتصادی زونز کو خود مختار بنایا جائے گا،وفاقی وزیر خزانہ۔

میڈیا بریفنگ کے دوران پاکستان کے وفاقی وزیر خزانہ اور محصولات شوکت ترین نے کہا ہے کہ سی پیک کے تحت تعمیر کیے جانے والے تمام خصوصی اقتصادی زونز کو غیر ملکی سرمایہ کاروں کے لیے سازگار ماحول فراہم کرنے کے لیے خود مختار بنایا جائے گا۔ انہوں نے اس بات پر بھی روشنی ڈالی کہ یہ خود مختار حیثیت تقریباً6خصوصی اقتصادی زونزمیں ایک سال کے اندر متعارف کرائی جائے گی اور پھر اسے دیگر زونز تک بڑھایا جائے گا۔ انہوں نے یہ بھی کہا کہ گوادر پورٹ ہر ملک کے لیے کھلا ہے جو اسے استعمال کرنا چاہتا ہےاور ملک میں سرمایہ کاری کے مواقع سے فائدہ اٹھانا چاہتا ہے۔