سی پیک سے متعلق نئے مفاہمت نامے پر دستخط سےسی پیک پراجیکٹس پر کام کی رفتار میں تیزی آئے گی۔

پاکستان کی قومی اسمبلی اور فریڈرک – البرٹ اسٹیفنگ (ایف ای ایس) پاکستان نے سی پیک پر پارلیمانی اداراتی تعاون بڑھانے اور اس سلسلے کو مزید آگے بڑھانے کے لئے ایک مفاہمت نامے پر دستخط کیے ہیں۔ چیئرمین پارلیمانی کمیٹی برائے سی پیک ارباب شیر علی نے مفاہمت نامہ پر دستخط کرنے کی تقریب کے بعد سی پیک کو علاقائی خوشحالی اور پاکستان کی سماجی و اقتصادی ترقی کا اہم محرک قرار دیا۔ مزید برآں انہوں نے کہا کہ اس مفاہمت نامہ کے نتیجے میں تمام متعلقہ اسٹیک ہولڈرز کو شامل کیا جائے گا اور سی پیک منصوبوں پر کام کی رفتار تیز ہوگی۔ کنٹری ڈائریکٹر ایف ای ایس ڈاکٹر جوچن ہپلر نے گیم چینجر کے طور پر سی پیک کے کردار کو سراہا اور اس سلسلے میں تعاون کے مزید مواقع پیدا کرنے کے حوالے سےامید ظاہرکی۔