سی پیک منصوبوں میں تیزی کے لیے نئی حکومت چین کے ساتھ تعاون کے لیےکوشاں ہے،احسن اقبال

وفاقی وزیر برائے منصوبہ بندی، ترقی اور خصوصی اقدامات احسن اقبال نے نیشنل یونیورسٹی آف سائنس اینڈ ٹیکنالوجی (نسٹ) کے نیشنل سینٹر فار آرٹیفیشل انٹیلی جنس کے دورے کے دوران ذرائع ابلاغ سے گفتگو کرتے ہوئے کہا ہے کہ نئی مخلوط حکومت چین کے ساتھ مختلف شعبوں خصوصاََچین پاکستان اقتصادی راہداری (سی پیک) کے تحت منصوبوں میں تیزی لانے کے لیے تیزی سے اپنی کاوشوں کو بروئے کار لا رہی ہے۔ انہوں نے مزید کہا کہ حکومت کا بنیادی مقصد ملکی معیشت کو فروغ دینا ہے کیونکہ یہ ملک کے لیے اپنی خودمختاری برقرار رکھنے کا واحد راستہ ہے۔