سی پیک منصوبوں کی تکمیل سے خطے میں اقتصادی ترقی کے ایک نئے باب کا آغاز ہوگا،ضیاء اللہ لانگو

 ضیاء اللہ لانگو بلوچستان کے داخلی اور قبائلی امور کےوزیر ضیاء اللہ لانگو نے کہا ہے کہ چین پاکستان اقتصادی راہداری اقتصادی ترقی اور علاقائی امن و استحکام کے فروغ کے لئے نہایت اہم منصوبہ ہے۔ ان خیالات کا اظہار انہوں نے چینی قونصل جینیا یونڈونگ سے کوئٹہ میں ایک ملاقات کے دوران کیا۔ صوبائی وزیر نے کہاکہ منصوبہ کی تکمیل سے جنوبی ایشیا کےملکوں کو اپنی مصنوعات آسان اورموثر طریقے سے عالمی منڈی تک پہنچانے کا موقع فراہم ہوگا۔ ضیاء لانگو نے کہا کہ سی پیک کے تحت خطے میں سڑکوں اور ریلویز کے بنیادی ڈھانچے، صنعتی زونز، ٹیکنالوجی، توانائی اور سیاحت کے شعبوں میں کاروباری سرگرمیوں میں تیزی آئے گی۔