سی پیک منصوبہ پاکستان میں عالمی سرمایہ کاری کے فروغ کے لئے نیک شگون۔۔۔اے سی سی اے کے سربراہ کی ڈیووس میں اظہارِ خیال۔۔۔

دی ایسوسی ایشن آف چارٹرڈ سرٹیفائیڈ اکاؤنٹنٹس(اے سی سی اے)کے سربراہ ساجد اسلم نے ڈیووس میں پاکستان کے اقتصادی ترقی کے مثبت پہلوؤں کو شاندار انداز میں اجاگر کیا ہے۔اس موقع پر ان کا کہنا تھا کہ چائینہ-پاکستان اقتصادی راہداری منصوبہ پاکستان میں فارن ڈائریکٹ انویسٹمنٹ کے لئے نیک شگون ثابت ہوا ہے اور اس کے سبب پاکستان خطے میں اہم اقتصادی مرکز کے طور پر ابھرا ہے۔اس کے علاوہ انہوں نے فورم میں عالمی اور اقتصادی طور پر سی پیک کی اہمیت پر روشنی ڈالتے ہوئے مختلف تجارتی اداروں کے سربراہان کو اس میگا پراجیکٹ میں شمولیت اختیار کرنے کی دعوت دی۔جبکہ انہوں نے عالمی سرمایہ کاروں کو یقین دلایا کہ سی پیک منصوبہ عالمی شراکت داری کا مظہر ہے جس میں شنگھائی سٹاک ایکسچینج اور سنگاپور اکاؤنٹینسی کمیشن کا تعاون بھی شامل ہے۔