سی پیک منصوبہ کے تحت گوادر بندرگاہ پاکستان کی خطے میں سٹریٹیجک اہمیت میں اضافے کا باعث۔۔۔وزیر اعظم عمران خان

وزیر اعظم پاکستان عمران خان نے اپنے ایک انٹرویو میں سی پیک منصوبہ کی اہمیت پر تبادلہ خیال کرتے ہوئے کہا ہے کہ پاک چین اقتصادی راہداری منصوبہ کے تحت گوادر پورٹ پاکستان کی خطے میں اسٹراٹیجک اہمیت میں اضافہ کا باعث ہوگا جبکہ سی پیک میگا پراجیکٹ کی کامیابی کی راہ پر گامزن ہونے کے باعث مختلف ممالک کے درمیان جغرافیائی دوریاں کم ہوئی ہیں جس سے خطے میں سرمایہ کاری کی نئی راہیں ہموار ہونگی.اس دوران ان کا مزید کہنا تھا کہ سی پیک منصوبہ کی مدد سے پاکستان میں صنعتی شعبے کو مضبوط کرنے کے ساتھ ساتھ زرعی شعبے کی پیداوار کو بڑھانے کے لئے اقدامات اٹھائے جا رہے ہیں.اس کے علاوہ انہوں نے سی پیک کے تحت چین کے ساتھ چائینیز ٹیکنالوجی کے تبادلے سے متعلق دستخط ہونے والی یاداشتوں کوبھی عملی جامہ پہنانے کے عزم کا اظہار کیا.