سی پیک منصوبہ کے دھابیجی سپیشل اکنامک زون کی توانائی کی طلب کو ہوائی توانائی کی پیداوار سے پورا کرنے پر غور۔۔۔

حکومتِ سندھ کاادارہ برائے توانائی سی پیک منصوبہ کے دھابیجی ٹھٹہ سپیشل اکنامک زون کی توانائی کی ضروریات کو ہوائی توانائی کی پیداوارسے پورا کرنے پر غور کر رہا ہے۔اس حوالے سے 32 میگاواٹ کی ہوائی توانائی کے پلانٹ کی سفارش پاکستان پیپلز پارٹی کی پالیسی بورڈ کی مستقبلِ قریب میں متوقع میٹنگ میں پیش کی جائے گی جبکہ متعلقہ ادارے کے عہدیدار کے مطابق اس منصوبے کے لئے زمین حاصل کرنے کے علاوہ تمام انتظامات مکمل کیے گئے۔واضح رہے کہ دھابیجی سپیشل اکنامک زون کا شمار سی پیک منصوبہ کے اہم سپیشل زونز میں ہوتا ہے کیونکہ یہ پورٹ قاسم اور کراچی ائیر پورٹ کے قرب و جوار میں واقع ہے اور اس زون کے فعال ہونے سے تجارتی سرگرمیوں کے تیز ہونے کی بھی امید ظاہر کی جا رہی ہے۔