سی پیک میں تیسرے فریق کی شمولیت سے منصوبہ کثیر الجہتی علاقائی تعاون کا حامل بن جائے گا۔

چائینہ اکنامک نیٹ میں شائع ہونے والے مضمون میں ساؤتھ ویسٹ یونیورسٹی آف پولیٹیکل سائنس اینڈ لاء کے وزٹر پروفیسر چینگ ژینگ نے کہا ہےکہ سی پیک کے تحت پہلے ہی پاکستان کی ترقی پر خاص توجہ مرکوز ہے اب یہ کثیرالجہتی علاقائی تعاون کا حامل منصوبے میں تبدیل ہو رہا ہے۔ اس ترقی سے بیلٹ اینڈ روڈ کمیونٹی کو وسعت ملے گی کیوں کہ جنوبی ایشیاء کے پورے خطے کے ساتھ ساتھ وسطی ایشیا ، مغربی ایشیاء ، مشرق وسطیٰ ، افریقہ اور دیگر دور دراز مقامات سی پیک کے ثمرات سے فائدہ اٹھائیں گے۔ اسی وجہ سے بین الاقوامی تعاون و کوآرڈینیشن ورکنگ گروپ کے دوسرے اجلاس میں دونوں فریقوں نے سی پیک میں تیسری پارٹی کی شرکت کا خیر مقدم کرنے کے عزم کا اعادہ کیا ہے۔